Privaatheidsbeleid

Wie jou inligting verwerk

Ansie, [ADRES].

Inligtingsbeampte: [INLIGTINGSBEAMPTE], kontak@ansie.co.za.

Watter inligting ons hou

Van jou: jou e-posadres, jou naam as jy dit gee, en jou betalingstatus. Ons sien NOOIT jou kaartbesonderhede nie – Paystack hanteer betalings en ons ontvang net of dit geslaag het.

Oor jou kind: die naam of noemnaam wat jy insleutel, en die graad. Ons vra nie 'n van, geboortedatum, skool of enige kontakbesonderhede van 'n kind nie, en jy moet dit ook nie insleutel nie.

Wat jy oplaai: die geskandeerde bladsye, en die dokumente wat Ansie daaruit maak.

Tegnies: aanmeldtye en foutlogboeke, om die diens te laat werk.

Toestemming vir 'n kind se inligting [!]

Deur 'n kindprofiel te skep, gee jy as ouer of voog toestemming dat ons daardie kind se naam en graad verwerk vir die doel om studiemateriaal te maak.

Jy mag daardie toestemming enige tyd terugtrek deur die profiel te verwyder of ons te kontak.

Waarvoor ons dit gebruik

Net om die diens te lewer: om die dokumente te maak, hulle aan jou rekening te koppel, jou betaling te hanteer, en met jou te kommunikeer oor jou rekening.

Ons verkoop nooit jou inligting nie. Ons gebruik dit nie vir advertensies nie. Ons gebruik nie jou kind se werk om AI-modelle te oefen nie.

Wie dit sien, en oorgrens-oordrag

Anthropic (die AI wat die dokumente maak, Verenigde State); Paystack (betalings); ons gasheer en e-posdiens.

Om die dokumente te maak, word jou opgelaaide bladsye na Anthropic in die Verenigde State gestuur. Dit is 'n oordrag ingevolge artikel 72 van POPIA en jy stem daartoe in wanneer jy oplaai.

Hoe lank ons dit hou

Jou oplaaie en dokumente bly in jou rekening totdat jy hulle verwyder. Vee jy 'n oplaai uit, word die bladsye en die dokumente uit ons berging verwyder.

Vra jy dat ons jou rekening skrap, verwyder ons alles binne 30 dae, behalwe waar die wet ons verplig om rekords te hou.

Jou regte

Jy mag vra om te sien watter inligting ons van jou hou, dit reg te laat stel, dit te laat verwyder, of om jou toestemming terug te trek. Skryf aan kontak@ansie.co.za en ons antwoord binne 30 dae.

Is jy ontevrede, mag jy by die Inligtingsreguleerder kla: inforegulator.org.za.

Sekuriteit en koekies

Alles loop oor 'n geenkripteerde verbinding. Toegang tot die databasis is beperk. Geen stelsel is volmaak nie, en ons kan nie absolute sekuriteit waarborg nie.

Ons gebruik net die koekies wat nodig is om jou aangemeld te hou. Geen advertensiekoekies nie, geen derdeparty-nasporing nie.